Persib Mapay Jalan ka Final ISL 2014

Abah Persib - Persib baris ngalawan Persipura Jayapura di final ISL 2014, juma'ah ping 7 November 2014, anu bakal dilaksanakeun di Stadion Jakabaring Palembang. Tiasa disebat persib lolos ka final tanpa halangan anu nyata.

Lamun ditingal tina hasil babak penyisihan wilayah barat, maung bandung sukses nempatan posisi kadua klasemen kengeng 41 poin tina hasil 12 kali kenging, 5 kali imbang sareng 3 kali kawon.

Di babak 8 besar, persib mung ngan sakali kawon ku dulur sakota na nyaeta Pelita Bandung Raya (PBR), ngalaman sakali imbang sareng 4 kali kengeng. Total nilai anu dikempelkeun nyaeta 13 poin. Salajengna persib masih jumawa di semifinal ku tiasa ngelehkeun Arema Crounous 3-1 dugi ka rengse babak perpanjangan waktu.

Raport Maung Bandung tinu total 27 pertandingan, tiasa kengeng 17 kali, genep imbang sareng opat kali kawon,. Total sadaya na ngagolkeun 56 sareng 28 kali kagolan sapanjang musim ieu.

Sajengkal deui Persib Bandung tiasa kengeng titel jawara, mugia engke dinten juma'ah Persib tiasa kengeng lawan Persipura Jayapura. Hidup Persib!!! Abah Sono Jawara, 19 tahun tanpa gelar, Abah masih satia ngarojong Persib!!!

Posted in: Bewara Persib